Om koncerten
SUÐURLJÓÐ – Stovukonsertir í Trongisvági Leygardagin 28. aug. lata trongisvágsingar dyrnar upp heima hjá sær sjálvum at hava Suðurljóð - Stovukonsertir. Suðurljóð er heitið á tiltakinum, har smærri bólkar og einstaklingar fara at hava tónleikaframførslur heima hjá privatfólki hesu ferð í Brekkugil og í Brekkulág í Trongisvági. Suðuroyingar, sum heild, eru kendir fyri sítt gestablíða og skemtingarsama lyndi. Saman við góðum tónleiki, verður hetta eitt gott høvi at uppliva Trongisvág frá síni bestu síðu. 18 stovukonsertir verða hildnar í 9 ymsum stovum frá klokkan 20:00 til klokkan 0:00.